राष्ट्रिय विधि विज्ञान प्रयोगशालाबाट प्रदान गरिने सेवाको मुख्य उद्देश्य अपराध अनुसन्धान तथा न्याय सम्पादनमा सघाउ पुर्याउने भएकोले यस प्रयोगशालामा परीक्षणको लागि नमुना पठाउने निकायहरुमा मुख्यतः अदालत र प्रहरी पर्दछन् । यी निकायहरु बाहेक जिल्ला प्रशासन कार्यालय, लागू औषध नियन्त्रण ब्यूरो, जिल्ला वन कार्यालय, राष्ट्रिय निकुन्ज तथा वन्यजन्तु संरक्षण विभाग, अख्तियार दुरुपयोग अनुसन्धान आयोग, अध्यागमन विभाग, श्रम विभाग, राजश्व अनुसन्धान विभाग र अन्य सरकारी निकायहरुबाट पनि नमुना प्राप्त हुन्छ । सरकारी निकायहरुबाट प्राप्त हुने नमुनाहरु बाहेक अर्धसरकारी निकायहरु जस्तैः बैंक र अन्य संघसंस्थाहरुबाट पनि परीक्षणको लागि आउने गरिन्छ ।