विधि विज्ञानसंग सम्बन्धित विभिन्न विषय वा क्षेत्रहरुमा अध्ययन अनुसन्धान, परीक्षण तथा विश्लेषण गर्ने गराउने ।
न्याय सम्पादनको लागि कुनैपनि जीव, निर्जीव विषय वस्तु वा दशी वा भौतिक तथा रसायनिक चिजहरुको वैज्ञानिक परीक्षण गर्ने ।
प्रयोगशालाबाट गरिएका वैज्ञानिक तथा प्राविधिक परीक्षण एवं विश्लेषणका सम्बन्धमा कुनै निकायबाट राय माग भएमा सो दिने ।
अदालतबाट माग भएको विवरण उपलब्ध गराउने वा कुनै विशेषज्ञलाई अदालतमा उपस्थित भई वकपत्र गर्न पठाउने ।
विधि विज्ञानसंग सम्बन्धित राष्ट्रिय वा अन्तराष्ट्रिय संघ, संस्था वा ब्यक्तिहरुसंग सम्पर्क राखी प्रयोगशालाको विस्तार तथा सुदृढीकरणको लागि आवश्यक कार्य गर्ने ।
प्रयोगशालाको सेवा प्राप्त गर्ने सरकारी, अर्ध सरकारी तथा गैर सरकारी संस्थामा कार्यरत ब्यक्तिहरुलाई विधि विज्ञान सम्बन्धमा आवश्यक तालिम दिने ।